A NUNZIO NIVOLA PITTORE
Sas manos tuas acehen s’idea
appenas nascita
già est diventata
in sa tela
deretta
una pintura
una ritratu
cuss’idea
unu cunzettu astratu
nois ateros potimus mirare
tue nos l’as pintata
inie b’est su coro
su pessamentu
su prus mannu tormentu
chi recreu nos data
sa tristura
de s’abba selena
de mama morta prus de dek’annos
sa nostalgia
puru s’allegria
de unu ballu a brincu tunnu
ballatu in s’annossata
canno ippo pizzinna
ma prus e prus s’amore
cherfitu m’as acher gustare
s’amore prus manno
c’appo a Giovanni.
Bitti 6 luglio 1995
Peppina Pala